Evimiz və bizi əhatə edən əşyalar bizim daxili aləmimizə təsir edir. Məişətin təşkilində mütəxəssis olan Mari Kondo mənzildə əlverişli atmosfer yaratmağın sirlərini açır.

 

1. İlham verici obraz yaradın

İlk addım — ağlınızda ideal evinizi canlandırın. Rəng, həcm, dekorativ element, işıq... Mari Kondo metodu, nəyin bahasına olursa olsun yer açmaq deyil, "yaşamaq üçün xoşunuza gələcək şəraiti yaratmaqdır”.

 

2. Tənzimləyin

Başınız gündəlik qayğılarla dolu olduğu zaman, evdəki xaosun öhdəsindən gəlmək alınmayacaq. Dağ boyda yığılmış əşyalara baxıb panikaya düşməyin. Öz kainatınızda  hər bir əşyanın  yerini qiymətləndirəcəyiniz, sakit bir yer seçin. Vəziyyətin abu-havasına girmək üçün kömək edəcək hər şey uyğundur: sakit, yormayan bir musiqi və ya pıçıldayan televizor. Amma ən yaxşı səssizlikdir.

 «Gözdən uzaq olan əşyalar illərlə istifadə olunmur»

 

 

3. Dərhal qərar qəbul edin

Hazır olduğunuzu hiss etdiyiniz zaman əşyaları çeşidləndirməyə başlayın.  Hər şeydən əvvəl hansının lazım olmadığını müəyyənləşdirin. Optimal nəticə əldə etmək üçün növbəti qaydaya əməl edin: ya artıq olanı dərhal atırsınız, ya da yerinə qoyursunuz.

 

4. Heç bir «hər ehtimala qarşı»

Əşyalara baxaraq soruşacağınız tək sual: “Bu əşya mənə sevinc bəxş edirmi?”  Əgər cavabınız yoxsa- o zaman nə edəcəyinizi bilirsiz. “Bəlkə mənə nə vaxtsa lazım olar? Həmişə atmaq olar”. Tərəddüd, əşyalara bağlı olduğunuzu göstərir. Nə zaman və nə üçün aldığınızı xatırlayın. Bu əşya, o vaxt olduğu kimi bu gün də sizin üçün vacibdirmi?

 

5. Əşyaları otaqlara görə yox kateqoriyalara görə qruplaşdırın

Xaos- bu, əşyaların öz yerinin olmadığını və bir küncdən o biri küncə gəzdiyini göstərir. Bir kateqoriyaya aid olan əşyaları eyni yerdə saxlayın. Eyni tipli əşyaları tapın(təmizlik vasitələri, bəzək əşyaları, kosmetika). Onları şkaflarda qruplaşdırın. Beləliklə hər şeydən nə qədər olduğunu görəcək və onlar üçün optimal variantı seçəcəksiz.

 

 

6. Şkafları  90%-dən çox doldurmayın

Şkafları “tıxa-basa” doldurmaq — bu qara dəlikdir. Gözdən uzaq olan əşyalar illərlə istifadə olunmur. Biz şkaflarda qarşısını sədlərin kəsdiyi qazan, corab, qeyd kitabçası və s. barədə unuduruq.  «Mari Kondo deyir ki, biz boşluqları doldurmağa çalışırıq,- əgər məqsəd səliqə-səhmandırsa, o zaman hər şey göz önündə olmalıdır. Bir-iki sıra ilə kifayətlənmək lazımdır ki, hər şeyi tapa bilək».

 

7. Geyimləri oriqami üsulu ilə qatlayın

Necə gəldi qatlanan geyimlər çox yer tutur və səliqəsiz görsənir. Bundan qaçınmaq üçün əşyaları eyni sxemlə qatlamaq lazımdır. Yapon üsulu olan oriqamidən istifadə edin. Ekspert deyir ki,- “bir neçə dəfə məşq etdikdən sonra avtomatik olaraq robot kimi qatlayacaqsınız”.

 

 

8. Öz «güc mənbəyinizi» müəyyənləşdirin

Rahat divan, yellənən kreslo və s. evdə sığınacaq rolunu oynayan bir yeriniz olmalıdır. "Şəxsi məkanın olması zehni rahatlıq üçün çox vacibdir. Qış mövsümündə soyuq havada isti sobanın kənarında isinən pişik kimi rahat olacaq "— ekspert deyir. Kiçik bir məkan olması kifayıtdir.

 

9. Keçmişlə “haqq hesab” edin

Xatirəsi olan dəyərli əşyalar evimizdə yalnız “uzun ömürlülük” deyil eyni samanda səliqəsizliyin əsas mənbəyidir. Gözəl vaxt keçirtdiyiniz konsert biletini necə atmaq olar? Bəs babanızın sizi ilk dəfə çəkdiyi fotoapparatı? Siz bu əşyalardan qurtulsanız belə, dəyərli xatirələr heç vaxt silinməyəcək. Əgər ehtiyac duyursuzsa, “dəyərli” əşyanızla bir qədər vaxt keçirdin, şəkilin çəkin. Artıq sizin həyatınıza aid olmadığı ilə razılaşın. Bu gün və gələcəyə yer açmaq üçün keçmişlə ayrılmaq lazımdır, həm fiziki, həm də məcazi mənada.

 

 

10. Hər şeyi ağıllı şəkildə istifadə edin

Gündəlik səliqə-səhmana riayət etmək üçün Mari Kondo hər gün bəzi rituallara əməl etməyi məsləhət görür: hər bir əşyanı yerinə qoyaraq, onlara bu gün istifadə etdiyiniz üçün təşəkkür edin və qayğılarına qalın. Mari Kondo qeyd edir ki, “Evi səliqəyə saldıqdan sonra, hər bir əşyanın məqsəd və mənası sizin üçün daha aydın olacaq.  Onların əsl dəyərini başa düşəcək və onlara qarşı daha düşüncəli davranacaqsınız. Belə yanaşma yalnız fiziki təmizliyin deyil, eyni  zamanda  ağıl və daxili harmoniyanın zəmanətdir ".

 

Ekspert haqqında 

Mari Kondo kimdir? Məşhur, məkanda şəraitin yaradılması üzrə mütəxəssis mari Kondo, 2014-cü ildə “Sehirli təmizlik: yapon səliqə yaratmaq sənəti” kitabı çıxdıqdan və ən çox satılanlar siyahısına düşdükdən sonra, milyonlarca qadın üçün səliqə üzrə aparıcıya çevrildi. 2015-ci ildə Time jurnalının araşdırmasına görə, Mario Kondo "Top-100" nüfuzlu insanların siyahısına düşüb. "Eksmo" nəşriyyatı onun kitabını rus dilində çap etmişdi. Mari Kondo neqativ və ya heç bir hiss bəxş etməyən əşyalardan tərəddüdsüz ayrılmağı öyrədir. Müəlif iddia edir ki, bu kitabı oxuduqdan sonra hətta ən tənbəl insanlar belə nəin ki, evində, öz həyatlarında belə səliqə yaradacaq. Kondo metodunun fəlsəfəsi, əşyalara və məkana hörmətlə yanaşmaqdır. İlk öncə yalnız sizə məxsus olan əşyalara baxmaq lazımdır: geyim, aksesuar və sənəd. Alət, mətbəx qab-qacağı, dekor və mebel kimi əşyalara daha sonra keçmək lazımdır.

 

Tələsmədən və gecikmədən alış-veriş etmək, vaxtınıza qənaət etmək üçün 24-saat onlayn ticarət mərkəzi olan Shop.az platforması sizin kimi vaxtının dəyərini bilən insanlar üçün yaradılıb. Saytımızdan istənilən məhsulu seçib siz sifarişiniz birbaşa satıcı mağazaya göndərə bilərsiniz.

 

Shop.az saytında Gözəllik və saqlamlıq,  Texnika və elektronika, Məişət texnikası,  Geyim və Ayaqqabı və s. kimi kateqoriyaların Bakı mağazalarında satılan mallarını tmağaza qiymətlərinə və vasitəçisiz apa biləcəyiniz onlayn ticarət mərkəzidir.

 

© shop.az, 2018  Bütün hüquqlar qorunur